"İnter"in bəzi oyunçuları koronavirus qaydalarını pozduğuna görə cəzalandırılacaq.
Milli.Az qol.az-a istinadən xəbər verir ki, buna səbəb Romelu Lukakunun 28 yaşını komanda yoldaşları Aşraf Hakimi, İvan Perişiç və Eşli Yanq və digər 20 nəfərlə birgə qeyd etməsidir. Onlar ötən gecə Milanın mərkəzindəki otellərdən birində olublar.
Polis şikayət zəngindən yerli vaxtla gecə saat üçdə partiyə gəlib. Tədbiri təşkil edən otel restoran meneceri də daxil olmaqla, ümumilikdə 24 nəfərin cərimələnəcəyi bildirilib.
Milli.Az