ABŞ-ın "SpaceX" şirkəti ötən gün "Starship" kosmik gəmisinin prototipinin uçuş sınaqlarını keçirib. Sınaqların yekunu olaraq Marsa uçuşlar üçün nəzərdə tutulmuş kosmik gəmi şaquli vəziyyətdə eniş edə bilib.
Milli.Az ted.az-a istinadən bildirir ki, sınaqlar "Youtube" video paylaşma platformasında yayımlanıb.
"Starship" kosmik gəmisinin prototipi bir neçə dəqiqə ərzində təxminən 10 km yüksəkliyə qalxıb.
Bundan sonra, gəmi Boka-Çika rayonunda (Texas ştatı) yerləşən başlama kompleksinin yanında yerləşən sahəyə uğurlu eniş edib.
Milli.Az