Xakerlərdən ən yaxşı qorunan kimdir?
31 Yanvar 2012 22:39
Antivirus kompyuter proqramları sahəsində ixtisaslaşan "McAfee" şirkətinin ekspertləri tərəfindən ölkələrin kibertəhlükəsizlik reytinqi tərtib olunub.
Milli.Az BBC-yə istinadən bildirir ki, hesabatda gətirilən siyahıya 23 ölkə daxil edilib.
Siyahının yuxarı pillələrində İsrail, Finlandiya və İsveç qərarlaşıblar, sıralamanın sonuncu yerlərində Çin, Braziliya və Meksika gedir.
Hesabat müəllifləri hesab edir ki, təhlükənin qarşısını almaq üçün ölkələr arasında kibertəhlükəsizliyə aid məlumatlar mümkün qədər geniş mübadilə edilməlidir.
Həmin siyahıda 4-cü və növbəti yerləri Britaniya, ABŞ, Almaniya, İspaniya və Fransa kimi ölkələr tutur.
Siyahı ölkələrin kiberhücumlardan müdafiə olunmaq qabiliyyəti barədə mövcud olan dəyərləndirilmə və təəssürat əsasında qurulub.
Hesabatın müəlliflərinə görə, ölkələrin tutduğu yer onların antivirus müdafiəsi və firewalls müdafiəsi keyfiyyətindən, idarəçilik və bu sahədə təhsiliin səviyyəsindən asılı olub.
Ekspertləri İsveç, Finlandiya və İsraildəkı vəziyyət təsirləndirib, baxmayaraq kı, İsrail hər dəqiqə mindən artıq kiberhücuma məruz qalır.
Qeyd olunub kı, İsraildə enerji istehsalı və su təhizatı sahəsində yaranan təhlükə dərəcəsini dəyərləndirmək üçün xüsusi təyinatlı kiber qüvvələr yaradılıb.
Kibertəhlükəsizliyi təminat edilməsi üsulları
Kiber hücumlara ən az hazır olan ölkə kimi isə siyahıda sonuncu yerdə Meksika gedir.
Hesabat müəllifləri bunu ölkədə hakim dairələrin diqqətinin əsasən narkotik və kriminal dəstələr əleyhinə mübarizədə cəmləşdiyi ehtimalı ilə izah edirlər.
Bəzi ekspertlər isə Meksikanın sonuncu yerdə olmasını, ölkə höküməti daxilində əlaqələndirmənin istənilən səviyyədə olmaması ilə izah edirlər.
Ekspertlər qeyd edir ki, misal üçün, Britaniyada, kiber təhlükəsizlik işilə bağlı sahəyə £650 mln. ayrılıb.
Lakin Britaniyadakı vəziyyəti tənqid edənlər də var.
Onların təbirincə, ölkədə kiber təhlükəsizlik sahəsinə aid olan fəaliyyətin 80%-i özəl sektorun nəzarətindədir.
"Yeni investiyaların yarıdan çoxu məxvi fəaliyyət strukturlarınaa çatacaq. Bu isə həmin vəsaitin xərclənməsi səmərəliyinin yoxlanmasını çətinləşdirir", - ekspertlər deyir.
Həmin expertlər maliyyənin ictimai sektora ayrılmasının tərəfdarıdırlar, çünki onların qənaətincə, kiberhücumların potensial qurbanları özləri özlərinə yardım göstərməyə qadir olmalıdırlar.
Mübarizənin əsas yolu üsulu kimi ölkələr arasında təhlükəsizlik məlumatları ilə paylaşmanın daha əhatəli edilməsi təklif olunur.
Amma bir çox ölkələrin buna razılaşacağı sual altındadır. Ekspertlər hesab edir ki, 70, 100, 1000 illik ərzində formalaşan hərbi təfəkkürü qısa müddət ərzində dəyişmək asan deyil.
Milli.Az