Sonuncu dəfə "Mucize doktor" serialında çəkilən aktyor Reha Özcanın yeni layihəsi bəlli olub.
Milli.Az axşam.az-a istinadən xəbər verir ki, aktyor "Seksenler" serialında rol alacaq.
R.Özcanın hansı obrazı canlandıracağı isə hələlik açıqlanmayıb.
Aktyor yeni işi səbəbi ilə çox həyəcanlı olduğunu deyib:
"1965-ci ildə doğulduğum üçün 80-ci illər mənim həyatımda önəmli yerə sahibdir. Bu illərin hekayəsindən bəhs edən ekran işində rol aldığım üçün çox xoşbəxtəm".
Qeyd edək ki, serial "TRT1" telekanalında yayımlanır.
Milli.Az