George Haci "Bakı"nın oyunçuları haqda danışdı

30 Yanvar 2012 14:59

Rumıniya futbolunun canlı əfsanəsi, "Qalatasaray" və "Steaua"nın sabiq baş məşqçisi George Haci "Bakı"nın "Panduriy"ə qarşı oyun barəsində və Azərbaycan futbolu haqqında öz fikirləri ilə bölüşdü.

""Panduri" və "Bakı" arasında keçirilən yoxlama görüşünə bizim ölkədə böyük maraq var. Təsadüfi deyil ki, bu oyun canlı yayımlanır. Mən Antalyada olduğumdan bu görüşü canlı izləmək qərarına gəldim. Azərbaycanda bir çox tanışlarım var, onlarla tez-tez əlaqə saxlayıram. Dostlarım mənə sizin ölkənizdə futbolun sürətlə inkişaf etdiyini deyirlər. Görürəm ki, həqiqətən də, belədir. Azərbaycanda futbolun inkişafına önəm verən 1 nömrəli komanda məhz "Bakı"dır. Bu barədə məlumatım var. Klubunuz futbol naminə böyük işlər görür, bu təqdirəlayiqdir", - azerisport.az xəbər verir ki, bunu Haci "Bakı"nın rəsmi saytına deyib.

"Oyuna gəldikdə, qeyd edim ki, komandanızın heyətində səviyyəli futbolçular var. Sadəcə olaraq, onların bir-birilərinə tam uyğunlaşmadıqları görünür.

Qol vura bilməsələr də, tez-tez qol epizodları yaradırlar. "Bakı" güclü komanda olduğunu göstərdi. Bu komandanın gələcəyini görürəm", - Haci bildirdi.

Milli.Az