Tanınmış jurnalistlərə vəzifə verildi

16 Aprel 2021 15:19

Yeni yaradılmış Medianın İnkişafı Agentliyində tanınmış jurnalistlərə vəzifə verilib.

Milli.Az qafqazinfo-ya istinadən xəbər verir ki, keçmiş ANS-çi Rüstəm Əbülfətoğluna qurumda Media subyektləri və jurnalistlərlə iş, media dəstək layihələri departamentinin direktoru vəzifəsi həvalə edilib.

"Kaspi" qəzetinin keçmiş baş redaktoru Natiq Məmmədli isə agentliyin Media subyektləri və jurnalistlərlə iş şöbəsinin müdiri vəzifəsinə təyin edilib. 

Daha bir jurnalist,  AZTV-nin əməkdaşı Səidə Şəfiyeva Kommunikasiya və informasiya texnologiyaları departamentinin Kommunikasiya şöbəsinin müdiri vəzifəsinə təyin olunub.

Milli.Az