Hacıqabulda yanğın baş verib, xəsarət alan var

6 Aprel 2021 22:00

Hacıqabul rayonunun Birinci Udullu kəndində yanğın baş verib.

Bu barədə Fövqəladə Hallar Nazirliyi məlumat yayıb.

Bildirilib ki, ümumi sahəsi 24 m² olan köməkçi tikilinin qamışdan ibarət dam örtüyü və bitişik ümumi sahəsi 150 m² olan birmərtəbəli evin dam örtüyünün taxta atmaları 0,5 m² sahədə yanıb. Yanğın zamanı bir nəfər yanıq xəsarəti alıb.

Köməkçi tikilinin və bitişik evin qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.

Milli.Az