Rusiyada İngiltərə ştammına 81 nəfər yoluxdu

6 Aprel 2021 17:28

Rusiyada koronavirusun Böyük Britaniya ştammına 81 nəfər, Cənubi Afrika ştammına isə 6 nəfər yoluxub.

Milli.Az qafqazinfo-ya istinadən xəbər verir ki, bu barədə Rusiyanın baş dövlət sanitar həkimi Anna Popova "İzvestiya" qəzetinə verdiyi müsahibədə məlumat verib.

"Hazırkı anda ingilis ştammına 81 və Cənubi Afrika ştammına 6 yoluxma müəyyən olunub. Bu, hələ də dünyanın digər ölkələri ilə əlaqə saxladığımızı göstərir, belə ki, bütün bu hallar xaricdən gəlir",- deyə Popova qeyd edib.

O, Avropa, Asiya, Cənubi Amerika və Afrikada bu növə yoluxmaların artması ilə əlaqədar vətəndaşları xaricə səyahət etməməyə çağırıb.

Milli.Az