"Fənərbağça"nın sabiq futbolçusu Andre Santos "Qalatasaray"la derbi öncəsi seks partisi təşkil etmələri barədə iddialara cavab verib.
Milli.Az offsideplus.az-a istinadən xəbər verir ki, o, belə bir parti etmədiklərini bildirib. "Sambaçı" Aziz Yıldırım ilə aralarında olan görüşdən də danışıb.
2009-2011 illər aralığında "sarı-larcivərtli" formanı geyinən Andre Santos ölkəsində verdiyi müsahibədə "Fənərbağça"da "Qalatasaray"la derbi öncəsi seks partisi iddialarını yalanlayıb.
"Luqanonun ad günü idi və parti qurmuşduq. Gecə saat 1:30-da Roberto Karlosla birlikdə evə getdik. Derbidən 2 həftə əvvəl partini etmişdik".
Milli.Az