"Yuventus"un idman direktoru Fabio Paratiki futbolçu Kriştianu Ronaldu ilə yollarını ayırmayacaqlarından əmindir.
Milli.Az qol.az-a istinadən xəbər verir ki, bu barədə 48 yaşlı klub rəsmisi "Sky Sports"a danışıb. O, deyib:
"Biz komandanı daha da yaxşılaşdırmaq istəyirik və bunun üçün davam edəcəyik. Hazırda "Yuventus" və Ronaldu birlikdədir. O, dünyanın ən yaxşı oyunçusudur. Əminəm ki, Ronaldu yolumuza davam edəcəyik".
36 yaşlı hücumçunun yayda Turin klubundan ayrılacağı haqda məlumatlar yayılmışdı. Onun "Real" və ya "Mançester Yunayted"ə qayıdacağı da ehtimal edilirdi.
Qeyd edək ki, Ronaldu bu mövsüm A seriyasında 24 matça çıxıb və 23 qol vurub.
Milli.Az