ARB TV-nin "Hüseynova bacıları" verilişinin növbəti qonağı müğənni Xuraman Şuşalı olub.
Milli.Az xəbər verir ki, müğənni hicaba gəlməyi ilə bağlı maraqlı açıqlama verib:
"2013-cü ilin fevralın 16-sı hicaba gəlmişəm. Şou proqramlardan hər günüm 500 manat idi. Məni tanıyanların hamısı bilir ki, 7 günün 7-ində də işim olub. O gəlirə, qazanca yox deməyi hər adam edə bilməzdi. Hansı aləmdən özümü necə çərçivəyə saldım və 3 il oxumadım".
Müğənni daha sonra açıqlamasında həyatının kədərli olduğunu deyib:
"Mənim həyatım o qədər kədərlidir ki... Şükürlər olsun 4 övladım var. Bu həyatdakı yeganə qazancım 4 övladımdır. Çox çətinliklə ailəmi qoruyub saxlamışam. Ailəmdə bir dənə səhvim olsaydı, onu bayraq edib dünyaya car çəkərdilər. Daşı ağır olan adamam. Bilmirəm mənim nəyimə paxıllıq edirlər, başa düşmürəm".
Milli.Az