Bakının Sabunçu rayonunda yol-nəqliyyatı hadisəsi zamanı bir nəfər ağır xəsarət alıb.
Milli.Az APA-ya istinadən xəbər verir ki, hadisə Zabrat qəsəbəsində baş verib.
Təxminən, 45-50 yaşlı kişi yolu keçərkən onu minik avtomobili vurub. Naməlum piyada qapalı kəllə-beyin travması və aşağı ətrafın sınığı diaqnozu ilə 3 nömrəli şəhər klinik xəstəxanasının reanimasiya şöbəsinə yerləşdirilib.
Faktla bağlı Sabunçu Rayon Polis İdarəsində araşdırma aparılır.
Milli.Az