Qarabağ və ətraf rayonların azad olunması ilə bitən 44 günlük müharibədə qazandığmız möhtəşəm qələbə regionda fərqli reallıqlar yaratdı.
Milli.Az xəbər verir ki, bunu Milli Məclisin deputatı Sevil Mikayılova deyib.
Deputat bildirib ki, Dağlıq Qarabağ münaqişəsi nəhayət ki tarixə çevrilib. Azərbaycan Prezidenti, Ali Baş Komandan İlham Əliyevin rəhərlik etdiyi Silahlı Qüvvələrimizin rəşadəti hesabına biz doğma torpaqlarımıza qayıtmışıq. Böyük quruculuq işlərinə start verilib:
"Bizə böyük Zəfəri yaşadan Silahlı Qüvvələrimiz hər birimizin qürur mənbəyidir. Azərbaycan əsgər və zabitlərinin rifahı daim dövlətimizin diqqət mərkəzindədir"
S.Mikayılova qeyd edib ki, son günlər Milli Məclis sədrinin hərbçilərin maaşı ilə bağlı fikir səsləndirməsi haqqında iddilar həqiqəti əks etdirmir: "Həmin iclasda iştirak edən bir deputat kimi deyə bilərəm ki, Sahibə Qafarova "hərbçilərimizin maaşının artırılmasına ehtiyac yoxdur" kimi hər hansı bir fikir səsləndirməmiş, Qarabağın döyüş bölgəsi olmadığını qeyd etmişdir".
S.Mikayılova əlavə edib ki, deputatlar hər zaman hərbçilərimizi qayğılandıran məsələləri gündəmə gətirir və Milli Məclisin spikeri Sahibə Qafarova tərəfindən iclaslarda bu məsələlərin müzakirəsi üçün geniş imkanlar yaradılır: "Böyük Zəfərimiz müqəddəsdir və onun üzərinə kölgə salmaq yolverilməzdir".
Milli.Az