Gümrü hərbi bazasının yeri dəyişdirilə bilər

22 Fevral 2021 15:14

Ermənistanda fəaliyyət göstərən Rusiyanın 102-ci hərbi bazasının müəyyən hissələrinin ölkənin şərqinə keçirilməsi məsələsi Yerevanla Moskva arasında müzakirə olunur.

Milli.Az Trend-ə istinadən bildirir ki, bunu Ermənistanın müdafiə naziri Vaqarşak Arutyunyan Rusiya mətbuatına müsahibəsində deyib.

O bildirib ki, hazırda həmin məsələ ilkin müzakirələr mərhələsindədir və gələcəkdə bu baş verə bilər.

Nazir əlavə edib ki, son dövrlərdə ölkədə fəaliyyət göstərən rusiyalı sərhədçilərə əlavə funksiyalar da verilib.

Qeyd edək ki, Gümrü şəhərində yerləşən 102-ci hərbi baza Ermənistan-Türkiyə sərhədinin təhlükəsizliyinə nəzarət edir.

Milli.Az