Levandovskinin qol vura bilmədiyi qapıçılar - Fərhad da var

19 Fevral 2021 14:09

Polşa millisinin və Almaniyanın "Bavariya"nın futbolçusu Robert Levandovskinin qol vura bilmədiyi qapıçıların adları açıqlanıb.

Polşanın "Onet" nəşri xəbər verir ki, karyerasında 500-dən çox qolun müəllifi olan 33 yaşlı hücumçu rəsmi matçlarda 92 qolkiperi məyus edə bilməyib.

Onların arasında Azərbaycan millisinin və "Qarabağ" klubunun sabiq üzvü, hazırda "Səbail" klubunun məşqçisi olan Fərhad Vəliyev də var. Levandovski 2010/2011 mövsümündə "Borussiya"da (Dortmund) oynayərkən Avropa Liqasının pley-off mərhələsinin hər iki görüşündə Ağdam klubuna qarşı meydanda olub (Dortmunda 4:0, Bakıda 1:0).

Xatırladaq ki, Levandovski FIFA-nın versiyasına əsasən 2020-ci ilin ən yaxşı futbolçusu seçilib.

Milli.Az