Ukrayna Prezidenti Vladimir Zelenski ilə amerikalı həmkarı Co Bayden arasında ilk görüşün tarixi hələ müəyyən edilməyib. Əvvəlcə prezidentlər arasında telefon danışığı barədə razılığa gəlmək lazımdır.
Milli.Az Axar.az-a istinadən xəbər verir ki, bunu Ukrayna xarici işlər naziri Dmitri Kuleba deyib.
Prezidentlərin görüşü barədə ABŞ Dövlət katibi Entoni Blinkenlə müzakirə apardığını deyən Kuleba ABŞ-dan əhəmiyyətli siqnallar aldığını qeyd edib.
Kuleba bildirib ki, Blinken onu Rusiyaya qarşı ABŞ-ın Ukraynanın yanında qətiyyətlə duracağına inandırıb.
Milli.Az