Doğum şöbəsinin müdirinin işi məhkəməyə göndərildi

26 Yanvar 2021 11:13

Hacıqabul Rayon Mərkəzi Xəstəxanası Publik Hüquqi Şəxsin Doğum Şöbəsinin müdiri Rəfiqə Həmzeyavanın qanunsuz əməlləri barədə cinayət işi başlanıb.

Milli.Az Trend-ə istinadən bildirir ki, istintaq orqanı R. Həmzəyevaya qarşı Cinayət Məcəlləsinin 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə ittiham elan olunub.

Təqsirləndirilən şəxs barəsində cinayət işinin istintaqı başa çatdırılıb və iş baxılması üçün Hacıqabul Rayon Məhkəməsinə göndərilib.

Cinayət işi baxılması üçün hakim Həmid Əzizovun icraatına verilib.

Milli.Az