Portuqaliya hakimiyyəti Britaniya ilə uçuşları dayandıracaq

22 Yanvar 2021 07:44

Portuqaliya hökuməti yeni koronavirus ştammının yayılmasının qarşısını almaq üçün yanvarın 23-dən etibarən Böyük Britaniya ilə uçuşların dayandırılmasına qərar verib.

Milli.Az Trend-ə istinadən bildirir ki, bu barədə ölkənin Baş naziri Antoniu Koşta deyib.

Onun sözlərinə görə, ölkələr arasında yalnız gəlmək üçün uçuşlar həyata keçiriləcəkdir.

Baş nazir qeyd edib ki, bu addım əvvəllər Birləşmiş Krallıqda aşkar edilən mutasiyaya uğramış koronavirus ştammı ilə "infeksiya riskini" azaltmaq məqsədi daşıyır.

Milli.Az