Sovet rəhbərliyi 20 yanvar faciəsini törətməklə Azərbaycan xalqının qürurunu sındırmaq istəyirdi - Arzu Nağıyev - VİDEO

19 Yanvar 2021 18:57

Milli Məclisin deputatı Arzu Nağıyev Mədəniyyət kanalının "Səhər Çağı" verilişində 20 Yanvar faciəsi haqqında fikirlərini söyləyib.

Milli.Az Trend-ə istinadən bildirir ki, A.Nağıyev bildirib ki, 20 Yanvar faciəsi post sovet məkanında azadlıq hərəkatı kimi yadda qalan ən mühüm hadisələrdən biri oldu.

O qeyd edib ki, 1988-ci ildən başlayaraq Azərbaycanın Azadlıq hərəkatı, Ermənistanla sərhəddə baş verən hadisələr, ermənilərin Qarabağ iddiası, bunların hamısı bir zəmin idi ki, 90-cı il hadisələri baş versin. A.Nağıyev bildirib ki, sovet xüsusi xidmət orqanları bu hadisələrlə bağlı xüsusi xidmət orqanlarının ssenarisi var idi.

Arzu Nağıyev deyib ki, Sovet rəhbərliyi faciəni törətməklə Azərbaycan xalqının qürur və mənliyini sındırmaq istəyirdi, lakin onlar buna nail ola bilmədilər.

20 yanvar faciəsindən sonra 2 milyondan çox insanın Azadlıq meydanına toplaşması dünyaya bir mesaj idi. Bütün dünya gördü ki, Azərbaycan xalqı lazım olan anda yumruq kimi birləşir. Bu gün Şəhidlər Xiyabanı bizim and yerimizdir, ziyarət yerimizdir.

Milli.Az