İngiltərənin "Arsenal" klubunun futbolçusu Şkodran Mustafi Türkiyə "Fənərbaxça"sı ilə anlaşan Məsut Özillə vidalaşıb.
Milli.Az apasport.az-a istinadən bildirir ki, Almaniya millisinin sabiq futbolçusu həm yığma, həm klubdakı keçmiş komanda yoldaşı ilə şəklini paylaşıb.
Mustafi Özilə uğurlar arzulamaqla yanaşı onu assist kralı da adlandırıb: "Qardaş, sən meydanda və ondan kənarda ən qeyri-eqoist oyunçu oldun. Sən həmişə assist kralı kimi xatırlanacaqsan. Təəssüf ki, biz komanda olaraq sənə lazım olanda kömək edə bilmədik. Sənə uğurlar arzulayıram".
Milli.Az