İtaliyada mafiya üzərində son onilliklərin ən genişmiqyaslı məhkəmə prosesi start götürüb.
Milli.Az Trend-ə istinadən bildirir ki, prosesdə "Ndrangeta" mafiyasına bağlı 355 nəfər müttəhim qismində iştirak edəcək.
Bu gün başlayan məhkəmə prosesinin iki ilə yaxın davam edəcəyi gözlənilir.
Prosesdə 900-dən çox şahid dindiriləcək, müttəhimlərin hüquqlarını 600-dən çox vəkil müdafiə edəcək. İrəli sürülən ittihamlar arasında qətl, narkotik qaçaqmalçılığı, çirkli pulların yuyulması, şantaj da yer alır.
İlkin məhkəmə iclasında müttəhimlərin adlarının sadalanması 3 saata yaxın davam edib.
Milli.Az