Prezident İlham Əliyev indoneziyalı həmkarına başsağlığı verdi

12 Yanvar 2021 18:43

Prezident İlham Əliyev İndoneziya Respublikasının Prezidenti Zati-aliləri cənab Coko Vidodoya başsağlığı məktubu ünvanlayıb.

Milli.Az AZƏRTAC-a istinadən bildirir ki, məktubda deyilir:

Hörmətli cənab Prezident,

Cakarta şəhəri yaxınlığında sərnişin təyyarəsinin qəzaya uğraması nəticəsində çoxsaylı insan tələfatı barədə xəbər məni son dərəcə kədərləndirdi.

Bu faciə ilə əlaqədar Sizə, həlak olanların ailələrinə və yaxınlarına, dost İndoneziya xalqına öz adımdan və Azərbaycan xalqı adından dərin hüznlə başsağlığı verirəm.

Allah rəhmət eləsin!"

Milli.Az