“Barselona”da asan qələbə, “Real” büdrədi

10 Yanvar 2021 11:10

İspaniya La Liqasında XVIII tura start verilib.

Milli.Az apasport.az-a istinadən bildirir ki, ilk gündə nəzərdə tutulan 4 oyundan üçü keçirilib.

Yalnız "Atletiko" - "Atletik" qarşılaşması Madriddə yağan güclü qar səbəbindən təxirə salınıb.

Bol qollu alınan "Sevilya" - "Real Sosyedad" matçında ev sahibləri Yussef En Nesirinin het-triki sayəsində qələbə qazanıb.

7 turdur məğlubiyyət üzü görməyən və bunun 5-də qələbə qazanan "Barselona" "Qranada" səfərində seriyanı davam etdirib. Rəqibini darmadağın edən kataloniyalılarda dubla imza atan Lionel Messi bombardirlər yarışında birinci pilləyə yüksəlib.

"Real" isə autsayderlər zonasında qərarlaşan "Osasuna"nın müqavimətini qıra bilməyərək, növbəti dəfə xal itirib.

Turun digər oyunları yanvarın 10-11-də keçiriləcək.

İspaniya La Liqası
XVIII tur
9 yanvar
"Sevilya" - "Real Sosyedad" - 3:2
En Nesiri, 4, 7, 46 - Dieqo Karlos, 5 (avtoqol), İsak, 14
"Qranada" - "Barselona" - 0:4
Qrizmann, 12, 63, Messi, 35, 42
"Osasuna" - "Real" - 0:0

Milli.Az