"Milan" ötən gün komandadan götürülən koronavirus testinin nəticələrini açıqlayıb.
Milli.Az qol.az-a istinadən xəbər verir ki, iki futbolçunun virusa yoluxduğu məlum olub. Bunlar hücumçu Ante Rebiç və yarımmüdafiəçi Rade Kruniçdir.
Hər iki futbolçu bu gün A Seriyasında "Yuventus"la keçiriləcək görüşü buraxacaq.
Komandanın əsas hücumçularından olan Zlatan İbrahimoviç isə zədə səbəbindən Turin klubu ilə görüşdə iştirak etməyəcək.
Qeyd edək ki, bu gecə keçiriləcək "Milan" - "Yuventus" oyunu Bakı vaxtı ilə saat 23:45-də başlayacaq.
Milli.Az