Monteneqro millisinə yeni baş məşqçi təyin olunub.
Milli.Az qol.az-a istinadən xəbər verir ki, komandanı Miodraq Raduloviç çalışdıracaq. Bu barədə Monteneqro Futbol İttifaqının rəsmi saytı məlumat yayıb.
Monteneqrolu mütəxəssislə 1 illik müqavilə imzalanıb. O, bu vəzifədə Faruk Hacibegiçi əvəzləyib.
Qeyd edək ki, Monteneqro UEFA Millətlər Liqasında ötən mövsüm Azərbaycan yığması ilə eyni qrupda yer alıb. İlk oyunda rəqibinə 0:2 hesabı ilə uduzan Canni De Byazinin başçılıq etdiyi komanda ikinci qarşılaşmada qolsuz heç-heçə edib. Qrupu zirvədə tamamlayan Monteneqro seçməsi pley-offa vəsiqə qazanıb.
Milli.Az