O, Vətəni hər şeydən üstün tuturdu... Hərbi xidməti ərzində ona verilən bütün məzuniyyətlərdən imtina edib, "müharibə qurtarsın, gələcəyəm" deyib. Beləcə günləri, ayları yola salıb.
Milli.Az xezerxeber.az-a istinadən bildirir ki, söhbət şəhid gizir Amid Məmmədovdan gedir.
Onun haqqında anası Esmira xanım danışır. Nisgillə, sevgiylə, qəhərlə, qürurla.
"Mən anamı erkən yaşda itirmişəm, amma Amidi itirəndən sonra yetimliyin nə olduğunu bildim" deyir həyat yoldaşı.
Tovuz döyüşləri başlayanda Milli Qəhrəman Polad Həşimovun ölümü ailəni çox sarsıdır. Amid isə həmişə ailəsini təsəlli edirdi. Xanımı deyir ki, "bəlkə məni də özünün şəhadətinə hazırlayırdı, sadəcə fərqinə varmadım zamanında...".
Qəribədir, döyüş yoldaşları Amiddən bəhs etdikcə, doğmalarının onun haqqındakı fikirləri nəinki yenilənir, hətta daha da zənginləşir. Vətən müharibəsində göstərdiyi şücaətlə onu tanıyanların yaddaşında o qədər dərin izlər buraxıb ki, qəhrəmanımız...
"Mən yaxşı bilirəm, Azərbaycan ordusu nəyə qadirdi" deyir ehtiyatda olan zabit...
Şəhid Amidin qazi atası yeganə oğlunu bu qədər vətənpərvər böyütdüyü üçün qürurludur. Amid ona Aprel döyüşlərində yaralandığını deməsə də, Müqabil müəllim bundan xəbər tutub. Bir ata kimi həm fəxr eləyib, həm də oğluna "bizə niyə demədin" deyə iradını bildirib. Çox keçmədən Amidin yenidən yaralandığını eşidib.
Ölümündən sonra Amidin əşyalarının arasından bir kağız tapılıb. Borclarını yazdığı və "mən şəhid olsam, ödəyin qeydi...".
Bizim sənin borcunu ödəməyə gücümüz çatmaz, şəhid qardaşım. Öz qəhrəmanlığınla, igidliyinlə Tanrı dərgahında hamımızın Haqqa olan borcumuzu ödədin, sən. Əbədiyyətin mübarək!
Mövzu ilə bağlı daha ətraflı videomaterialı təqdim edirik:
Milli.Az