İspaniyanın "Barselona" klubunda prezidentliyə namizədlərdən olan Emili Rusaud gözlənilməz açıqlama ilə diqqət çəkib.
Milli.Az apasport.az-a istinadla bildirir ki, o, kapitan Lionel Messinin komandadan ayrılacağını istisna etməyib.
Rusaud prezident seçiləcəyi təqdirdə argentinalı superulduzun qarşısına şərt qoyacağını gizlətməyib: "Messi ilə görüşüb, maaşında endirimə getməsini tələb etməliyik. Fədakarlıq etməsini istəyəcəyik. Anlaşa bilməsək, Messi ayrılacaq".
Qeyd edək ki, "Barselona"da prezident seçkiləri 2021-ci il yanvarın 24-də keçiriləcək. Messinin klubla müqavilə müddəti mövsümün sonuna qədərdir.
Milli.Az