ABŞ-ın Nyu-York ştatında keçirilən nümayiş zamanı qadın sürücü avtomobili kütlənin üzərinə sürüb.
Milli.Az APA-ya istinadən xəbər verir ki, Manhettendə baş verən hadisə nəticəsində 7 nəfər yaralanıb.
Onların bəziləri xəstəxanaya yerləşdirilib. Sürücü hadisə yerindən yayınmayıb. Polis tərəfindən saxlanılan qadının ifadəsi alınıb.
Bildirilib ki, nümayişi keçirənlər "Black Lives Matter" hərəkatını dəstəkləyən tərəfdarları olub.
Reuters-in yerli Polis Departamentinə istinadən yaydığı məlumata görə, nümayişdə əlli nəfər iştirak edib.
Milli.Az