"Parisdə çox xoşbəxtəm. Komanda yoldaşlarımla belə bir klubda olduğum üçün çox şadam".
Milli.Az qol.az-a istinadən xəbər verir ki, bu sözləri PSJ-nin hücumçusu Neymar Fransa mətbuatına açıqlamasında deyib.
Paris klubundan ayrılacağı haqda xəbərlərə münasibət bildirən braziliyalı futbolçu hazırda belə bir fikirdə olmadığını qeyd edib: "PSJ-dən ayrılmaq fikri heç ağlımdan keçməyib. Hazırda burda olduğum üçün şadam, gələcəkdə nə olacağını görəcəyik".
Qeyd edək ki, Neymarın PSJ ilə hazırkı sözləşməsinin müddəti 2022-ci ilin yayına qədərdir.
Milli.Az