Bakıda kişi dəhşət saçdı: Əvvəl oğlu və gəlinini, sonra özünü baltaladı

5 Dekabr 2020 16:10

Bakıda qaynata oğluna və gəlininə balta ilə xəsarət yetirib.

Milli.Az APA-ya istinadən bildirir ki, hadisə paytaxtın Sabunçu rayonu, Maştağa qəsəbəsində qeydə alınıb.

Belə ki, ailə münaqişəsi zəminində Mehdi İsmayılov oğlu, 1987-ci il təvəllüdlü Rəşad İsmayılova baş nahiyəsindən, gəlini, 1985-ci il təvəllüdlü Cəmilə Babayevaya isə bədən nahiyəsindən balta ilə xəsarət yetirib.

Bundan sonra qaynata özünə də balta ilə xəsarət yetirib.

Yaralılar təcili tibbi yardım briqadasının köməkliyi ilə xəstəxanaya çatdırılıb. 

Baş nahiyəsindən ağır xəsarət alan Rəşad İsmayılovun vəziyyətinin ağır olduğu bildirilir.

Milli.Az