PSJ Donnarummanı istəyir

22 Noyabr 2020 18:44

PSJ "Milan"ın qapıçısı Canluici Donnarummanı heyətinə qatmaq niyyətindədir. 

Milli.Az qol.az-a istinadən xəbər verir ki, bu barədə "La Gazetta dello Sport" nəşri məlumat yayıb. İtaliya klubunun 21 yaşlı qolkiper üçün 50 milyon avro tələb etdiyi bildirilib.

Bundan əvvəl "Milan"ın italiyalı oyunçu ilə 4 illik yeni müqavilə üçün razılığa gəldiyi haqda xəbərlər yayılmışdı.

Qeyd edək ki, Donnarumma bu mövsüm komandasının heyətində 11 oyuna çıxıb və sözügedən matçların 4-də qapısını toxunulmaz saxlayıb.

Milli.Az