İspaniyanın "Real" klubunun kapitanı Serxio Ramos Madrid təmsilçisinin heyətində bütün turnirlər nəzərə alınmaqla 100-cü qolunu vurub.
Milli.Az apasport.az-a istinadla bildirir ki, yubiley qolu Çempionlar Liqasının III turuna təsadüf edib.
Müdafiəçi İtaliya "İnter"i ilə hazırda davam edən qarşılaşmanın ilk yarısında fərqlənib. 34 yaşlı müdafiəçi bu qollardan 55-nə başla imza atıb.
Ramos "Real"ın tarixində 100 və daha çox qol vuran 23-cü oyunçudur. Onadək 22 futbolçu bacarıb.
Serxio buna nail olan ikinci müdafiəçidir. Yalnız Fernando Yerro "Real"da daha çox - 127 qol vurub.
Milli.Az