Bu əlamətlər körpələrdə xəstəlikdən xəbər vermir

31 Oktyabr 2020 21:10

Yeni doğulanlarda, körpələrdə qeydə alınan bir çox əlamətlər xəstəlik görüntüsü sayılır. Bir çox əlamətlər ailələrdə həyəcana səbəb olur. Və hətta bəzən bununla bağlı yanlış müalicələr də aparılır. Həkim-pediatr Günay Rəslova körpələrdə xəstəlik kimi qəbul edilən bir çox əlamətlərin tamamilə normal hal olduğunu və heç bir müalicə tələb etmədiyini deyib. Və bu əlamətlərin siyahısını açıqlayıb.  

Milli.Az e-tibb.az-a istinadən həmin siyahını təqdim edir:

Əl ayaq tərləməsi

Başın isti olması

Körpələrin dilini tez-tez çölə çıxarması

Başda tərləmə

Ağızdan çox su axma

Körpənin əlinə keçən hər şeyi ağzına aparması

Körpələrdə tez- tez səksənmə, diksinmələr

İlk aylarda yuxusuzluq və ya yuxu rejimsizliyi

İlk 3 ayda ağlama krizləri

İlk 6 ay gecə yeməyə oyanmaları (ana südü yeyən uşaqlarda)

İlk aylarda gündə 6-7 dəfəyə qədər olan nəcis ifrazı və ya əksinə 3-4 gündə bir hətta həftədə 1 dəfə olan nəcis ifrazı

Diş çıxmanın 14 aya qədər gecikməsi

İlk 3 ay körpənin ağlayarkən ağız ətrafı göyərmənin olması

Körpənin göz qapağında, alnında, ənsə arxasında qırmızı ləkələrin olması

Sol qola vurulmuş BSJ peyvəndin yerinin 2 ayınadək qızarıb şişməsi

Yenidoğanda 20 gününə qədər çəkən, zəif hiss edilən sarılığın olması

Sərbəst yerimənin 17 aya qədər uzanması

Əmgəyin ölçüsünün balaca olması (baş çevrəsi normal böyüyürsə)

Əmgəyin 18 aya kimi açıq qalması (kalsium lazım deyil)

Təzə yeriməyə başlamış uşaqlarda fizioloji ayaq əyilmələri (masaj və kalsiuma ehtiyac yoxdur)

İlk 3 yaş uşaqlarda pəncənin yastı olması (ortopedik ayaqqabı və ya masaj lazım deyil )

İlk 2-3 yaş uşaqlarda gecə oyanmaları

Körpənin əmərkən, ağlayarkən, böyük uşaqların qaçarkən tərləməsi

3 ayında körpənin əlində ayağında soyumaların olması

Peyvənddən sonra ilk 3 gün hərarətin, narahatlığın və yerli qızarıqlıq və şişkinliyin olması

İlk 6 ay hər qidalanma sonrası körpənin yediyinin az bir hissəsinin qaytarması

Körpənin əynini dəyişdirərkən, xüsusilə üşüdüyündə dərisinin mərmər kimi olması (hipoksiya deyil)

Körpə nəfəs alarkən xırıltılı səsin eşidilməsi (timus deyil)

Müayinəsi normal uşaqlarda döş sümüyünün azca qabarıq və ya batıq olması, qabırğasının qabarıq olması

İlk aylarda müayinəsi normal uşağın nəcisinin yaşıl olması

İlk aylarda oğlan uşaqlarında xayada mayenin olması və cinsiyyət üzvü dəri qırışları arasına ağ smeqma maddəsinin yığılması (duz deyil)

Butun bu hallar körpələr üçün tamamilə normal hallardır.

Milli.Az