Deputat Sevil Mikayılovanın təşəbbüsü ilə Xudatda əsgər ailələrinə yardım paylanılıb - FOTO

20 Oktyabr 2020 12:23

56 saylı Xaçmaz kənd seçki dairəsindən millət vəkili seçilən Sevil Mikayılovanın təşəbbüsü ilə Xudat şəhəri və ətraf kəndlərdə övladları hərbi xidmətdə olan ailələrə "Damla" İctimai Biriliyi tərəfindən ərzaq yardımı edilib.

Milli.Az Trend-ə istinadən bildirir ki, ərzaq yardımı deputat köməkçiləri və "Damla" İctimai Biriliyinin əməkdaşları tərəfindən, karantin qaydalarının tələblərinə uyğun olaraq ailələrə çatdırılıb.

Təşəbbüs Xudat şəhər mərkəzi daxil olmaqla, Çaykənarı, Dədəli, İstisu, Ləcət, Nabran, Nərəcan, Niyazoba, Qımılqışlaq, Qusarçay, Susayqışlaq, Uzunoba, Yeni həyat, Yalama kənd və qəsəbələrini əhatə edib.

Milli.Az