"Azərbaycan öz ərazisini qanunsuz xarici müdaxilədən qoruyur" - Ukraynalı deputat

15 Oktyabr 2020 09:25

Azərbaycan Silahlı Qüvvələri öz suveren ərazisində uğurlu əks-həmlə əməliyyatı keçirir.

Milli.Az Trend-ə istinadən bildirir ki, bunu Ukrayna Ali Radasının deputatı Lyudmila Marçenko deyib.

O bildirib ki, Azərbaycan əks-həmlə əməliyyatını BMT Nizamnaməsinə uyğun olaraq həyata keçirir:

"Nizamnamənin 51-ci maddəsi fərdi özünümüdafiə və öz ərazisini qanunsuz xarici müdaxilədən qorumaq hüququ verir. Münaqişənin dinc yolla tənzimlənməsi üzrə danışıqlar 25 ildən çoxdur ki, davam edir. Nəticədə bir metr də olsun Azərbaycan ərazisi azad edilməyib. Baxmayaraq ki, beynəlxalq hüquq Azərbaycanın tərəfindədir".

Milli.Az