Azərbaycanda çıxış etmiş daha bir futbolçu Vaqner da Silva Ermənistan silahlı qüvvələrinin atdığı raket nəticəsində Gəncədə baş verən hadisəyə münasibət bildirib.
Milli.Az apasport.az-a istinadla bildirir ki, "Qarabağ"ın sabiq qapıçısı erməni terrorunu pisləyən paylaşım edib.
2018-2020-ci illərdə Ağdam klubunun formasını geyinmiş braziliyalı qolkiper instaqram səhifəsi vasitəsilə "Gəncə üçün dua et" haştaqlı şəkli paylaşıb və ölənlərin ailələrinə başsağlığı verib.
Qeyd edək ki, oktyabrın 11-də Ermənistan ordusunun Gəncədə yaşayış ərazisini raket atəşinə tutması nəticəsində 9 mülki şəxs ölüb, 40-dan çox insan yaralanıb.
Milli.Az