Ağsu rayonunda ölümlə nəticələnən yol-nəqliyyat hadisəsi baş verib.
Milli.Az APA-ya istinadən bildirir ki, hadisə rayonun Çaparlı kəndi ərazisində qeydə alınıb. İsmayıllı rayon sakini, 1973-cü il təvəllüdlü Şirinov Qərib Fərman oğlu idarə etdiyi "VAZ-21015" markalı minik avtomobili ilə hərəkətdə olarkən idarəetməni itirib və avtomobil yoldan çıxaraq aşıb.
Nəticədə sürücü aldığı xəsarətdən hadisə yerində ölüb.
Faktla bağlı Ağsu Rayon Polis Şöbəsi tərəfindən araşdırma aparılır.
Milli.Az