Britaniyada özünütəcrid qaydalarına əməl etməyənlər 10 min funt sterlinq məbləğində cərimə olunacaqlar - VİDEO

21 Sentyabr 2020 07:07

Böyük Britaniyada yeni qanuna əsasən sentyabrın 28-dən etibarən koronavirus testinin nəticələri müsbət çıxan və ya virusa yoluxmuş şəxslərlə əlaqədə olan insanlar özünütəcrid qaydalarına əməl etmədikdə 10 min funt sterlinq məbləğində cərimə olunacaqlar.

Milli.Az AZƏRTAC-a istinadən bildirir ki, ölkədə virusa yoluxmada artım baş verdikdən sonra qaydalar yenidən sərtləşdirilib. Virusa yoluxanlar arasında 35 yaşından aşağı olan şəxslər çoxluq təşkil etməyə başlayıb.

Son sutka ərzində Böyük Britaniyada 4422 nəfər koronavirusa yoluxub, onlardan 27 nəfər həyatını itirib.

Milli.Az