Qonşu ölkədə koronavirusa qarşı preparatlar apteklərə veriləcək

19 Sentyabr 2020 08:21

Koronavirusun yeni tipinə qarşı effektivliyi sübut olunan "Areplivir" preparatı artıq Rusiyada apteklərə tədarük ediləcək.

Milli.Az oxu.az-a istinadən bildirir ki, bazar ertəsindən etibarən sözügedən preparatın apteklərə verilişi başlayacaq.

Xatırladaq ki, beynəlxalq patentlənməmiş adı "Favipiravir" olan bu dərman əvvəllər ebola xəstəliyinin müalicəsində istifadə olunub. İyul ayının əvvəlində "Areplivir"in koronavirus infeksiyasına qarşı mübarizədə yüksək effektivlik (90 faizdən artıq) göstərdiyi bildirilmişdi.

Milli.Az