"Real Sociedad"ın yeni transferi David Silva koronavirusa qalib gəlib.
Milli.Az goal.az-a istinadən xəbər verir ki, bu barədə La Liqa təmsilçisinin rəsmi saytı məlumat yayıb.
34 yaşlı futbolçu bu gün kollektivlə birlikdə məşq edib. İspan oyunçunun sentyabrın 20-də La Liqanın 2-ci turunda Real Madrid ilə ev oyununda meydana çıxması gözlənilir.
Qeyd edək ki, bu yay Manchester City-dən ayrılan David Silva Real Sociedad-a azad agent kimi keçib. Avqustun 31-də təqdimat mərasimi keçirilən futbolçuda koronavirus aşkarlandıqdan sonra o, 2 həftəlik karantinə alınmışdı.
Milli.Az