Bu ilin yanvar-avqust aylarında Azərbaycandan 8 370,85 min ABŞ dolları dəyərində alkoqollu və alkoqolsuz içkilər və sirkə ixrac olunub.
Dövlət Gömrük Komitəsindən Milli.Az-a verilən məlumata görə, ixracın dəyəri ötən ilin müvafiq dövrü ilə müqayisədə 55,8% azalıb.
Cari ilin səkkiz ayında qeyd olunan məhsulların ixracda xüsusi çəkisi 0,08%-ə, qeyri-neft məhsullarının ixracında olan çəkisi isə 0,73%-ə bərabər olub.
Hesabat dövründə qeyd olunan məhsulların ölkəyə idxalının dəyəri 43 628,67 min dollar təşkil edib ki, bu da ötən ilin müvafiq göstəricisindən 8,4% azdır.
Cari ilin yanvar-avqust aylarında qeyd olunan məhsulların idxalda xüsusi çəkisi 0,51% təşkil edib.
Milli.Az