Bu il 5000-dən artıq namizəd müəllimlərin işə qəbulu müsabiqəsində yüksək bal toplayıb.
Milli.Az Trend-ə istinadən bildirir ki, bunu Təhsil naziri Emin Əmrullayev deyib.
Onun sözlərinə görə, 5000-dən artıq namizədin yüksək bal toplaması sevindiricidir: "Çünki bacarıqlı, savadlı şəxslərin müəllim peşəsinə yiyələnməsi bir daha bunu sübut edir ki, müəllimlik peşəsi ən nüfuzlu, ən rəqabətli peşə sahələrindən birinə çevrilməkdədir".
E.Əmrullayev qeyd edib ki, vakant yerlərin müvafiq qurumlar tərəfindən Təhsil Nazirliiynə təqdim edilməsi və bu yerlərin rəqabət əsasında seçilməsi olduqca vacibdir: "Ən yüksək balı olan namizədlər bu yerəri seçirlər".
Nazir müəllimlərin iə qəbulu müsabiqəsində keçid balını toplayan bütün namizədlərə iş təklif edilməsinin mümkünsüz olduğunu da söyləyib. O, bu baxımdan iş yerlərinin rəqabətli əsaslarla müəyyən edildiyini bildirib.
Milli.Az