Müğənni, bəstəkar Murad Arif Sabirabadda intihar edən 31 yaşlı Rauf Əsədovun ölümündən yazıb.
Milli.Az ölkə.az-a istinadən bildirir ki, o, bu barədə "Facebook" sosial şəbəkəsində paylaşım edərək, təəsüf hisslərini bildirib.
"Sabirabadda bir cavan ata, mənim "Oğlum" mahnımın sözlərini öz oğlu üçün yazaraq, intihar edib.İçim darmadağın... Kaş ki, elə o mahnıdakı "VARLIĞIN BELƏ YAŞAMAĞA BƏSDİR MƏNƏ" cümləsindən güc alaydı... Allah rəhmət eləsin..", - o qeyd edib.
Qeyd edək ki, Sabirabad sakini, 1989-cu il təvəllüdlü Rauf Əsədov mənzilində özünü asaraq intihar edib. O, hadisədən bir həftə əvvəl işdən çıxıb.
Milli.Az