İspaniya millisinin üzvü koronavirusdan sağaldı

7 Sentyabr 2020 08:07

İspaniya milli komandasının və "Vulverhempton"un futbolçusu Adama Traore koronavirusa qalib gəlib.

Milli.Az goal.az-a istinadən xəbər verir ki, 24 yaşlı yarımmüdafiəçinin koronavirus testinin nəticəsi mənfi olub. Bu barədə İspaniya milli komandasının mətbuat xidməti məlumat yayıb. Traore artıq millinin məşqlərinə qoşulub.

UEFA Millətlər Liqasının ilk turunun Almaniya ilə oyunundan (1:1) əvvəl Traorenin koronavirus testi müsbət çıxmış və yığmanın heyətindən çıxarılmışdı.

Milli.Az