"Barselona" yeni baş məşqçi Ronald Kumanın təyinatından sonra ilk transferini reallaşdırıb.
Milli.Az qol.az-a istinadən xəbər verir ki, Kataloniya təmsilçisi Pedro Qonsales Lopesi (Pedri) heyətinə cəlb edib. Sequndada çıxış edən "Las Palmas"dan alınan 17 yaşlı yarımmüdafiəçi ilə 2022-ci ilin yayına qədər müqavilə imzalanıb.
Qeyd edək ki, İspaniya mediasında gələcəyin İnyestası adlandırılan gənc futbolçu ötən mövsüm Sequndada 16 oyuna 4 qol vurub, 7 qol ötürməsi edib. Pedri İspaniyanın U-19 millisinin üzvüdür.
Milli.Az