Erməni fotojurnalist Qaqik Şamşyan öz "Facebook" səhifəsində 2010-cu il noyabrın 19-da Ermənistanın Araqatsotn vilayətinin ümumi yurisdiksiya məhkəməsində "Haykakan jamanak" qəzetinin baş redaktoru, siyasi məhbus Nikol Paşinyanın məbuat konfransından arxiv fotolarını paylaşıb.
Xatırladaq ki, Nikol Paşinyan 2008-ci il martın 1-dən sonra axtarışda olaraq ömrünün 1 il dörd ayını gizlənməkdə keçirib.
Milli.Az "Azmedia.az"a istinadən xəbər verir ki, "Haykakan jamanak" qəzetinin redaktoruna qarşı Ermənistan Cinayət Məcəlləsinin 316 və 225-ci maddələri ittiham irəli sürülmüşdü. 2009-cu il iyulun 1-də Nikol Paşinyan könüllü şəkildə özünü Ermənistan Baş Prokurorluğuna təqdim edib və orada həbs olunub.
Milli.Az