"Qəbələ" albaniyalı müdafiəçini transfer edib

10 Avqust 2020 23:15

Azərbaycan Premyer Liqasının 2020-2021-ci illər mövsümü ərəfəsində transfer çalışmalarını davam etdirən "Qəbələ" heyətinə yeni futbolçu qatıb.

Milli.Az Trend-ə istinadən bildirir ki, "Qırmızı-qaralar" heyətini albaniyalı müdafiəçi Yurgen Qoxa ilə gücləndirib. 28 yaşlı futbolçu ilə 1+1 illik müqavilə imzalanıb.

Karyerası ərzində yalnız vətənində çıxış edən müdafiəçinin ötən mövsüm icarə əsasında "Bilis"in uğurları üçün çalışıb. O, bu komandanın heyətində Superliqada 13 matçda 3 qol vurub. Bunadək arxa xətt oyunçusu "İliriya" (2014-2015), "Erzeni" (2015-2016, 2017-2018), "Beseldja" (2016), "Şenkoli" (2017) və "Tirana" (2019-2020) klublarında forma geyinib.

Milli.Az