Azərbaycan çempionu "Qarabağ"ın avrokuboklardakı növbəti mümkün rəqibi müəyyənləşib.
Milli.Az apasport.az-a istinadla bildirir ki, bu, Çempionlar Liqasının II təsnifat mərhələsinin püşkatmasından sonra bəlli olub.
İsveçrənin Nyon şəhərindəki tədbirdə Ağdam klubunun Şimali Makedoniyanın "Sileks" klubu ilə I təsnifat mərhələsində təşkil etdiyi cütün qalibinin rəqibi bilinib. Qurban Qurbanovun yetirmələri ilk raundu keçsə, "Şerif" (Moldova) - "Fola" (Lüksemburq) cütünün güclüsü ilə qarşılaşacaq.
Bu matç avqustun 25-26-da keçiriləcək. "Qarabağ" - "Sileks" cütünün qalibi bu oyuna Bakıda çıxacaq.
Qeyd edək ki, Bakıda baş tutacaq "Qarabağ" - "Sileks" oyunu avqustun 18-i və ya 19-da keçiriləcək.
Milli.Az