Məşhur MMA döyüşçüsü Peyc Vanzant UFC-dən ayrılmağa qərar verib.
Milli.Az apasport.az-a istinadla bildirir ki, UFC-nin seks simvolu hesab olunan idmançı Amanda Ribasa 1-ci raundda uduzduğu qarşılaşmadan sonra bir daha bu versiyada döyüşməyəcək.
26 yaşlı Peycin UFC ilə müqaviləsi başa çatıb. İdmançı yeni anlaşma imzalamaq istəmir və digər promouşenlərlə danışıqlar aparmağı məqsədəuyğun sayıb.
O, "Bellator"dan aldığı təklifə cavab verməyib. İdmançının "Bare Knuckle FC are Knuckle"yə keçəcəyi gözlənilir.
Qeyd edək ki, Vanzant indiyədək 8 qələbə qazanıb, 5 məğlubiyyət alıb.
Milli.Az