Türkiyə millisinin futbolçusu Burak Yılmazın Fransanın "Lill" klubuna keçidi rəsmiləşib.
Milli.Az apasport.az-a istinadən bildirir ki, bunu Liqa1 təmsilçisi açıqlayıb.
Ötən mövsüm formasını geyindiyi "Beşiktaş"la qarşılıqlı razılıqla yollarını ayıran Yılmaz Fransa klubu ilə 2 illik müqavilə imzalayıb. 35 yaşlı forvard 2022-ci ilin yayına qədər Liqa1 təmsilçisində çıxış edəcək.
Qeyd edək ki, "Lill"də daha iki türk futbolçu Yusuf Yazıçı və Zəki Çelik də forma geyinir.
Milli.Az